حصريا على منتديات حضرمي نت ديوان الشاعر عامر بن عمرو

حصريا و ما هو غير موجود بمنتديات الشاعر عامر بن عمرو
ديوانه الأول
حصريا على منتديات حضرمي نت ديوان الشاعر عامر بن عمرو 5_1201635817

حصريا على منتديات حضرمي نت ديوان الشاعر عامر بن عمرو AUk67082

حصريا على منتديات حضرمي نت ديوان الشاعر عامر بن عمرو 326fce77ac

لا غاب نجم سهيل والجدي ما بان
يجيني الهاجس على قب ضامر

حامل معه در وعناقيد مرجان
وأقوله ارحب يجاوبني آمر

أشتاق لعلومة إذا طل طربان
واشفق على حسه وذيك المسامر

والشعر هو عشقي على مر الازمان
اطرب لمسحوبه واغنيه سامر

الشعر لي اسم وديره وعنوان
عامر و بارض الشعر لي بيت عامر

--------
(2)

سقى الله ليلة البدرين وانتي بدرها الاكمل
سقى الله ليلة كانت ربيع العمر وزهوره

سقى الله ليلة فيها عطيتي للقمر اشكل
بهتي نوره بنورك ومن نورك طفى نوره

سقى الله ليلةِ فيها تمنيت المسا يطول
تمنيت العقارب بالمسا هذاك مكسوره

مسا غاب الاسى عنه وقلنا للاسى يرحل
مسى فيه المشاعر ع الفرح يا بنت معذوره

مسى ما ينسى ذكره ولا يطوى ولا يذبل
مسا ذكراه دايم في وسط ذكراي محفوره

ذكرتك ليلة البارح وعيني دمعها اسبل
ذكرت سنين كانت بالغلا والود معموره

ذكرت البارحه سالف غرامي والهوى الاول
بدايات القصيد الي مضى وابيات مكسوره

ذكرتك ليلة البارح ذكرت الشادل الاكحل
غزالٍِِ لو تشوف الزول فزت منه مذعوره

ذكرت عيون بالبرقع وظلٍ فوقها مسبل
حرام ان السحر منها طلع علمه ودستوره

ذكرت ورود بخدودك وجمر بشفتك يشعل
تقول نيران فيها تلتهب حمرا ومسعوره

وريقٍ لا ارتشفته انتشي من خمرته واثمل
حرام اني عن العالم اسافر واهجر الكوره

فتني حسنها الفاتن من اعلاها الى الاسفل
بها زين الوصايف والمحاسن جمع منثوره

ادللها وانا دايم بها في شعري اتغزل
اميره للشعر كله بقيفانه وببحوره

انا الاجمل تقول وقلت اجل من غيرك الاجمل
من الي نورها غطى على البدر وعلى نوره

تقول اسمي اميره بس ابيك تقوله مدلل
اقول اسمك اميره بالدلع يا بنت اموره

------------

(3)

امـم تـتـبع امـم والعمر لا يشرى ولا ينـبـاع
تدور بنا الكـــــــره ويداول الله بيننا ايامه

احد عالي في القمه وأحد سافل بسافل قـاع
وكم راس انقلب ذيل وكم ذيل انقلب هامه

بعد شم القمم صرنا خدم كل الامم بإجَماع
ولا يا مصعب السفلى خلاف المجد وأعلامه

الا ياليتها قامت ولا ذاع الذي قد ذاع
وشفت الذل في مرباعنا قد نصب خيامه

أجل الله قدر المصطفى عن ما طـروه وشاع
وحلت لعنة المولى على المرسم ورسامه

اجل الله قدر المصطفى عن ماطروه وشاع
وتبت يدا المجرم جزا استهتزاه واجرامه

كفاه الي حماه وصاحبه له يشتكي مرتاع
وحلف له يكشفون ان ناظر الكافر لاقدامه

وثبت صاحبه بالكلمه الي وحيها صداع
ثنين الله ثالثهم وخل ابليس بهيامه

وسراقه مهرته هلت حوافرها وجا مرتاع
وبشره النبي بسوار كسرى واعلن اسلامه

ويوم انه لفى يثرب سمع مرحب ياخير داع
وشرفها الولي من يوم فيها حطت اقدامه

وفيها قام دين الله وصاروا للرسول اتباع
شهاده والصله ثم الزكاه وشهر بصيامه

وحج البيت للي يستطيع ولا بجسده اوجاع
فروضٍِ خمس للمسلم وهي شاره على اسلامه

وجا اخر زمن فيه المذله كل يوم تذاع
خنازير النصارى يرسمونه جسم واعمامه

رسوم وكركتير وجوك حد شاري وحد بياع
ومحمد امته ترقص على الطنبور وانغامه

زمان المعتصم من شان غاده قاد جيش اسباع
ونجمه كذب التنجيم والكاهن ونجامه

على عشره وزود الفين بلق سباع جتك جياع
وكل صنديد ظامي يرتوي من ضربة حسامه

سباع قادها ليثِ لذل الوقت ما ينصــاع
على شان العلا بدل رضاب الخود بحزامه

يا ليت النا بهذا الوقت منه خمس ولا ارباع
وياليت الزمن ذيا تعاند يوم حكامه

جيوش رابضه لا قاداها خالد ولا القعقاع
من المغرب الى دمشق لما نجد وتهامه

جيوش تثور ع المغنى ونغم العود والايقاع
وتسهر ليلها كله على التلفاز وافلامه

غضبهم بالحكي والبندقيه في كبت الايداع
وثورتهم مقاطعة البضايع بز والخامه

نسوا مدري تناسوا سيرة الي صيتهم ذياع
رجال للنفوس بساحة الهيجاء سوامه

مسيره صفحاتها مجد وامداد اقلامها ابداع
ورجال علومهم ما كنها الا ع القمر شامه

رجال علومهم تذهل لها الالباب والاسماع
رجال معهم التاريخ الامجد كان مقدامه

سير صولاتها اكبر من انه يكتبه بداع
لو انه مداده البحر بيجف وتنفذ اقلامه

امم كانت قمم والمجد يشرى والعمر ينباع
ولكن الكره دارت وربي داول ايامه

---------------

(4)

وشبك تحث اخطاك يم القطاعه
واغلقت في وجه الوصل كل الابواب

والمركب الي كان عالي شراعه
ذعذع جنوبه موج عاتي وهباب

كنت السبب في رسم لحظه ضياعه
وانت السبب في رسم تشتيت الحباب

وانته عذاب القلب مصدر اصداعه
وانته سبب جرح(ن) له اسنين ماطاب

انته الامل طفيت وانبض شعاعه
وشعلت جمر(ن) داخل الصدر شباب

يامن تركت القلب عندك وداعه
خنت الوداعه والعجب مابه اسباب

ارخصت قلبي لعنبوها رباعه
وانا غلاك اسريه بعيون واأهداب

والحين رح قلبي لابه البين لاعه
بصبر ترا الصابر على صبره يثاب

لاتعتذر ماظن تلقى شفاعه
عذر الخيانه عذر واهي وكذاب

وفر كلامك بس مابي سماعه
احباب كنا امس واليوم اغراب

قلبي ابد مايشري انسان باعه
من باعنا بعناه مانحسب احساب

للذل عندي يالحبيب مناعه
ما احني الهمه لمن خلقه اتراب

راسي عنيد ومايطيق الخناعه
وذل مايرضي عريبين الانساب

ماهوب انا الي سهل تلقى انخضاعه
جلمود صخر بوجه ريح(ن) وهباب

لا مارجيت الوصل عقب القطاعه
ولا مانصيتك لا ولاني بطالب

فرقاك فرض(ن) مثل فرض الجماعه
وان مانسيتك لي مع قلبي احساب

ولا عاد تسمع قول سمعن وطاعه
رح في طريقك جعلها شوك وانشاب

وخل الذي بالحزن عايش صراعه
لا عاد تطري عشقته بد الحباب

لو عاش في وادي تعاوى سباعه
سبعن بمخلابه وسبعن بالانياب

اخير من عيشه معك بالخناعه
عيشه تشابه عيشه اشباه الاذناب

لاصرت ماشي في طريق القطاعه
اذلف وانا بعدك بغلق الباب

-------------

(5)

من بلد الايمان والحكمة ... ومن ساس الأصالة
من سبأ بلقيس .. من مهد الحضارات العتيقـة

من أراضي ذي يزن حمير .. وهمدان البسالة
من بلادٍ جـنّ فيها المجد واضحت له عشيقــه

من جذور الأوس والخزرج بهاليل الرسـالة
قوم للقمّة .. وللعليا .. بيارقهم خليقـة

من ديار سهيل والصارم ومن نبع السلالة
أرض من مبطي مع الطولة عراويـها وثيـقـة

جيت والهاجس مقنّد رأس . ومزهّـب دلاله
في قصيدة بن صنعاني . وتحفة من عقيقة

ومن كفوفه ديم يتسبّل على قاعي جزالة
لين ينبت ورد بأوراقي وتتشكل حديقـة

والفريدة لا بغاها .. مازهم عمه وخـاله
ساقها من حر ماله ماشحتها من صديقه

مرحبا والشعر سبك وحبك وإيحاء ودلاله
لبـّه المعنى ولفظه هيكل الشكل وبريقـه

والطواريق النعوت .. وكل شاعر له مجاله
شاعرٍ ترقص طرب له . وآخـر(ن) تلعن نعيقه

شاعِرن يأرث درر .. وآخر يودّعها كلالـه
ذاك تشفق له .. وذا من جد قلبك مايطيقه

والتكلف في الشعر خلِه وضرب من الهباله
ماحلاه الشعر لاجا . فطرة . وطبع . وسليقـه

مثل شعري في بلد زايد ليا سبـّل خياله
ابتسم بحر الخليج ولوحت يمنى مضيقـه

أم وأعشقها . وعي . وادراك . وجنون . وثماله
أم يفداها زهر شعري ليا مصـّـت رحيقـه

كل ماغنيتها في بيت رحت أبغي بداله
لين ماريقي نشف .. والشعر منها نشف ريقـه

ويش أقول بناسها اللي فسلهم راعي جماله
وليه أردد والغلا مرسي على قلبي طويقـه

يارئيس الدولة القدوى .. وياتاج الشكاله
القصيد . أمجادك العظمى عن أوصافك تعيقه

يخجل الأيجاز منك . ولاتفي قدرك أطالـه
والفرايـد كل ابوها في غبب مجدك غريـقـه

ياخليفة . ياشقيق المجد . لا . يابوعياله
الشعر بحره خيال .. وبحر جودك من حقيقة

أنت بدر الحكم وخوانـك حوال البدر هالـه
وأنت ساس المجد يارأسه . ورأسك شم أنيقه

سيدي والشعر يصدح لك على النايف . بلاله
وايتباهى المجد بأفعالك على كل الخليــقــة

ولو قصيدي عنك يافيض الندى . قصرت حباله
عذره أنك غيــر . يامن دوخ المجد بـ طريــقـه

ويا إمارات الهوى .والشعر ماياصل كماله
كود لاسطـّر بقيفانه من أمجادك وثيـقـة

ياديار الولـف الأول .. والصبا . وأعذب لياله
ياقصيـدة عشق بين أحضانها ضمـّت شفيقــه

يالصباح العذب وأنفاسه . ونفحات البيالـة
ياصدى فيروز للمشتـل ..وللورد .. وشقيقـه

يامراتع طفلـةً .. عنها حشا مانيب دالــه
كود عزرائيل كأس الموت في فمي يريقه

يادياراً كل ماغنيتها في أي حالــه
يسكر المعنى بطاريـها ولا ودي أفيقـــه

-------------------

(6)

الشعر ميدان الفكر وانا معي هاجس أصيل
لا من دعيته قال لي عونك ولا هو يحتري

حاضر معي حسب الطلب في ليل ولا في مقيل
مسحوب ولا هيجنه ولا على طرق اصخري

وأحيان أغنيها حدا ولا على البحر الطويل
واقول واغرف من بحر ماني بشاعر مفتري

والشاعر الي يعتبر مبدع من الوزن الثقيل
لازم بنات أفكاره توصلّه نجم المشتري

يبقى أبو الطيب هو الأستاذ والأب الجليل
لكن رغم ما قلت ما نجهل مكان البحتري

ساحة وكل شاعر بها ماشي وناهج له سبيل
أحدٍ بها يزحف وأحد تجري هواجيسه جري

وشعّارها واجد تلاقي الجزل وتلاقي الهزيل
وتلاقي اللي من ورى قرشين صار العبقري

والطيّب تلاقيه لكن معدنه دايم قليل
ثابت على مبداه لو وقته برى حاله بري

الشعر بعضه كالشهد حالي على سمعك يسيل
وبه شعر مدري هذر حاجات ماهي تنطري

والطيّبة خيّالها باعه يجي دايم طويل
ماهو بمثل اللي يعاصرها ويهريها هري

ولا أنت ياللي سيرتك نكهة زباد وزنجبيل
وليا كتبتك ع الورق ينبت خزام وبختري

يا كثر ما مده بكفي لك وكفك لي بخيل
ويا كثر ماتذنب بي عيونك وانا شوفك بري

ويا كثر ما أحبك ولعيونك يهون المستحيل
ويا كثر ما خطّيت لك أحلى الشعر في دفتري

أن مال غصنك من غنج قلبي من اللوعه يميل
وأن هبت النسمة عباتك غاب سمعي وابصري

وليا أبتسم ثغرك وشفت اللول غطى السلسبيل
ناديت لك يالله عساني فدوة الغض الطري

تسلمين يالميس على هذا الموضوع

تسلم اخوي على الموضوع الجميل

تقبل مرووووووووووووووووووووووووري

تسلم اخي بدوي

تقبل مروري